هل الحب قبل الزواج ام بعده

لالا يالخاوة ما تفهمونيش غالط راني نهدر برك
ليلحق المكتوب نتاعو يتزوج فقير ولا غني....

كلامك متناقض تماما

والله موضوع شيق
وكيما يقولو المثل اللي ينوض مكتوبو نزغرتو عليه
ربي يلحقكم للزواج
والله الزواج يا الخاوة صعيب بالبزاف على الرجل وعلى المرة
وكيما يقول المثل تاني
الزواج يعري ولو جابو الواد
عندك الشوفة 3ملاين° خاتم وهدايا
الصداق 8 ملاين+ 2 ملاين تاع الصوف
والملاك 3 ملاين + خاتم 2 ملاين
وزيد كل عيد عندك 2 ملاين تاع الكادوات + شيء من الذهب
مصاريف العرس المدفوعة لأهل العروس
نعجة 2.5 مليون + خضر وفواكه 0.5 مليون
الكادوات والخاتم تاع العقد 2 ملاين أخر
وترجع لروحك كسوة ب 1 مليون + مصروف أيام العرس 1 مليون أو اكثر + مصروف شهر العسل 3 أو 4 مليون
حفل الزواج العرس على حساب المعاريض 10 مليون على الأقل
وهدايا لخوتك ومصاريف الحلويات 4 ملاين
زيد صيانة المنزل وإعادة الصبيغة وأشياء أخرى 2 ملاين على افقل
المجموع : على الأقل 50 مليون
هذا تاع واحد زاوالي مايدير والو
معناه متبع التقشف إلى أبعد الحدود من البداية للنهاية ةلامتحدث فوتها بحمد الله وربي هو اللي سهل
وكي نشوف نقول آنبوسيبل انا فوت هذا الشي كامل
بصح ربي كايسهل فالزواج وفالدار والرسول أخبرنا بذلك
أما عن المرأة فلا ادري عندي أخواتي بنات أتزوجو بصح والله ماني عارف كيفاه فراوها
المهم كل مرة يطيرو من هذا شوي ومن هذا شوي ويحوصو بالحاجة كيما نقولو ودارو الواجب
على حساب علمي الجهاز والشورة تاع المرأة تسقام حتى 10 مليون

شكرا ياسين هو على كل حال انا لي شعلت النار بصح عندي الحق البنات تاع اليوم يحوسو على الراجل الي عندو الدراهم بزاف و خاصة اذا كانت المرة باهية راها تتقلش و تحوس تصيد طبيب ولا مقاول و و هذا هو البروبلام المرأة تحوس تزوج برك مهما يكون الراجل المهم تزوج المهم تدير الدار.................. واش تديري بالدار اشبعي بالدار...........هذا مايتسماش زواج يتسمى تبادل مصلحة ماحبت فيه حتى حاجة الا المال و كاين من رحم ربي مانقولوش كامل حشى الي مايستاهلوهاش بصح الاغلبية يحوسو على الدار ماشي الراجل

الزواج عبر النت هل هو مستحيل هل هو حقيقي ام مجرد نزوة

و هذا يري لخطيبته عبر النت بالويب كام خاتم الخطوبة ........؟؟؟؟؟؟؟؟""""""""

آهات مرة كتب:

شكرا ياسين هو على كل حال انا لي شعلت النار بصح عندي الحق البنات تاع اليوم يحوسو على الراجل الي عندو الدراهم بزاف و خاصة اذا كانت المرة باهية راها تتقلش و تحوس تصيد طبيب ولا مقاول و و هذا هو البروبلام المرأة تحوس تزوج برك مهما يكون الراجل المهم تزوج المهم تدير الدار.................. واش تديري بالدار اشبعي بالدار...........هذا مايتسماش زواج يتسمى تبادل مصلحة ماحبت فيه حتى حاجة الا المال و كاين من رحم ربي مانقولوش كامل حشى الي مايستاهلوهاش بصح الاغلبية يحوسو على الدار ماشي الراجل

[i]

الزواج عبر النت في رأي هو مجازفة بالحياة اولا فيه صعوبات من حيث حجم المسافات الموجودة بين الرجل و المرأة و الحب ليس صوت و صورة اذا الكان الحب صوت وصورة فجميع الشباب سيعشقون 100 مرة في اليوم فالفتاة التي يراها و يصمع صوتها يعشقها اي صورة و صوت

والله يا جماعة الموضوع متشعب جدا
ولمعرفة الحق من الصواب يرجى القيام بعملية إستفتاء لمدة معينة
ونرى النتيجة المتوصل غليها
فالذي عنو جاهزية لصياغة أسئلة افستفتاؤ في النقاط التي تم التحدث عليها منذ بداية الموضوع فليتفظل
وشكرا للجميع على المناقشة

دوختوني

ماتدوخش خالد ربي يزوجك بوحدة في تركيا عبر السكايب ههههههههههههههههه

هههههههههههههههههههههههه

ياسين عندو حق نديرو استفتاء حول السؤال: هل الزواج عبر الانترنت ناجح
من او من يجيب نشعل النار و خلي ؟؟؟؟؟؟؟؟؟؟؟؟

شكرا ياالخاوة
وقولولي كي يتزوج الواحد عبر النت كيفاه يعيش حياتو العائلية مع الزوجة نتاعو
وإذا قدر ربي وكان عندهم ذرية هل يكون مريجيستريين فاليوتوب والا فالياهو منين يخرج النقمة تاعهم
وين يديرلهم الريزيدونس والجنسية
أنا نضن باللي يسكنو فالديسك دير تاع الميكرو تاع الأف بياي لخطر يكونو محتجزين بتهمة
تفجير أعمال عنف في الحواسيب العالمية
وهل يكونون ابناء عمةمة مع الفيروسات
وهل يواجهون طوال حياتهم الإرهاب الهمجي المتمثل في القراصنة على النت
وأسئلة اخرى
نرجو من اللي قالو ينجح يجاوبنا ويقنعونا
وشكرا