بنات تعمل وشباب في البيت ..

شكرا خالد
لا لا راك ضربت فالصميم
لي رجوع للموضوع

جزاك الله خيرا على خير على هذه الالتفاتة


نحن في انتظارك

شكرا على الموضوع القيم . تعليقي هو البنات يحبو العمل ليوفرو المال ويشترو ما يريدون لأن في زماننا لا أحد يعطي لأحد الا من رحم ربي.. أما الشاب يحب يعمل الا براتب عال وهذا غير موجود . وبالتالي راح يبقى متعلق بهذه الحجة ويبقى في البيت ..

مشكورة أختي ريان على هذا الرد الطيب مي عندي إضافة . حبيت نقول البنات النساء يحوسو على مجال واسع من التحرر يحب يكونوا مسؤوولييـــــــن و بارزين و على هذا بداو درجة بدرجة حتى أصبحت السيطرة ليهم في كل المجالات - الثقافة السياسة الوظائفو و حتى في الأسواق - و هذا راجع لغفلة و سبات في فكر المسيرين

هذا الموضوع لازملو قعدة و قهوة من الاحسن كون تفتح الدردشة و نتناقشو فالدردشة احسن

في الدردشة النقاش ما يوصلش لجميع الأعضاء و الاستفادة تكون محدودة و إذا كاش ماعندك راي يا خوية أحمد قولولنا عبر الردود أفضل باه الكل الأعضاء و حتى الزوار يتفاعلو

وزيــد ماشي الناس كامل راها تدردش


أزرع ينبت يا حميـــــــــــــدا

يا أخ ما دام البنت وجدت مجال علاه تبخل روحها هذا هو زمانا بصح ما فهمتش قصدك بالمسيرين******************************************

المسيرين كلمة شاملة و عندها عدة معاني على سبيل المثال في الدولة الرئيس في الولاية الوالي في مسابقات التوظيف كاين المفتش في المجتمع المسير هو الأسرة في العائلة الأب في الشخصية كاين الضمير

رد جميل ولكن فيه شوية مبالغة وقسوة على الرجل فالعمل ناقص أصلا وليست قضية اثبات الذات أو غيرو ملخص القول هو أن المرأة تعمل ولو براتب قليل والرجل اما العمل كاين ومعجبوش أو مكانش أصلا************************************************************** تقبل مروري

نورتيــــــــــــــــــــــنا يا قطرة الندى بردك

مي حبيت نضيف حاجة على كلامك وهي ..... عمل البنات راجع أكثر لاحساسهم بصعوبة الحياة فكل بنت ترى أن العمل حماية و مصدر للأمان .... أما الشباب اليوم فتفكير أعلبيتهم و ليس كلهم ضيق جدا من جهة لا يبحثون و ذلك بحجة ان للبنات الأولوية و من جهة يضيعون الوقت كثيـــرا في لا شيء ... يكرهون النهوض باكرا و غيره و غيره و تعددت الاسباب و النتيجة واحدة البنات يشغلون أكثر المناصب للأسف...... ماتزعفوش يا فتايات

اوك انا اكبركم سنا و عندي خبرة في مجال الادارة لاكثر من 10 سنوات منذ ان كنت ادرس و انا اعمل في الادارة على كل حال الادارة الجزائرية مكسرة من صلبها كيما قال الرئيس الراحل هواري بومدين الله يرحمو و على هذا الاساس منلصب الشغل في الجزائر جد محدودة و انتي يا ندى راك هدا وين ازدادت وين علابالك بالدنيا حتى تقولي بلي البنات يتخرجو من الجامعة اكثر من الرجال انا نقولك بلي الرجال يتخرجو من الجامعة اكثر من النساء على خاطرش الرجال كي يخلصو القراية يقاجيو فالعسكر ولا فالشرطة و لا فالدرك و الي ماساعدهمش الحظ التخصص الي قراوه يكون مختلف عن التخصص الي قراتو الطفلة فالجامعة الطفل يقرا حقوق صحافة تاريخ و اعلام الي فيزياء جيولوجيا و بيولو جيا الطفلة تقرا حقوق آدب لغات فرنسية و انجليزية و فلسفة نلاحظ بلي الطفلة عندها حضوظ اكبر من حضوظ الرجل جميع تخصصات الفتاة اكبر حضا من تخصصات الرجل و زيد على هذا زاد عماها بوتفليقة كي حط قانون جديد تاع حقوق المراة فالجزائر انا شخصيا رحت لمديرية النربية باش نحط دوسي تاع الخدمة ماحبوش يحكموه عليا حتى طلعت لعند الوالي هدرت معاه باش حكمو عليا الطوسي علابالك علاه ماحكموش عليا الدوسي و نقولها بكل صراحة و اسمحولي بصح هدا هو الواقع كون جيب طفلة و ومماكيي وجهي و لا بس لبسة قصيرة سروال ولا ميني كيما رانا نشوفو فيهم فلاكاديمي تدفع الدوسي لعشية تدخل تخدم غدوى الله غالب بلاد العوج و التمسخير و المصالح كلامي هدا نقولكم و كتاش تعرفوه نهار تتخرجو من القراية و توليو تطلعو للاكاديمي في ميلة و تعقبو الكونكور و نهار تخرج لا ليست تاع المسابقة هداك النهار تعرفو علاه البوسط تاع الخدمة تاع استاذ تباع قدام عينيا ب 80 مليون و تاع مراقب تباع ب 40 مليون و انا حاضر شراه واحد صاحبي تخيلو الوقت الي وصلنا ليه مايفيدك لا ديبلوم لا والو انا الاول على مستوى الجزائر في الاعلام الآليب لعام 2009 كاش ماعطاتلي الدولة ماعطاتلي والو

علاه على خاطرش مكانش قيمة للشهادة عندنا في بلادنا في بلادنا كينة حاجة وحدة يسموها الرشوة و بني عميسط نهار تتخرجو باذن الله تعرفو مليح وص صاري فالبلاد على كل حال اسمحولي طولت عليكم و السلام عليكم

حميــــــــــــــدا حبيـــــــت ما نسمركش مي راك بالغت بزاف في كلامك

قولي تعيش وكتاه بديت تقري و زيد عندك عشر سنين في الإدارة معناها نهار كنت في عمرك 14 سنة مشكون هي هاذي الادارة اللي تقبل الأطفااال ههههـــــــــــــــــــــــــهه


ونزيدلك الناس عندها ليسونس و الدكتورة باه يقدرو يحطو الدوسي و أنت مستوى 2ثانوي أو 3 ثانوي قاعد تلوح في خشمك

مي إذا عادو يمدو لي بوست بالمظهر علاه مامدوهلكش راك بوقوص - الله الله عليك - ههــــــــــــــــــــــه

اقتباس :

تخيلو الوقت الي وصلنا ليه مايفيدك لا ديبلوم لا والو انا الاول على مستوى الجزائر في الاعلام الآليب لعام 2009 كاش ماعطاتلي الدولة ماعطاتلي والو

أخــــــــــــــــــــــــويا تضل تفوخ بالديبلوم و وعدت الأعضاء باه تناعتلي هاذي الشهادة و مانعتهاليش واش معناتها هذي - راك تخبي في العين و إلا لا توجد شهادة -


بيــــــــــــــــن روح حمــــــــــــــدا

السلام عليكم اولا يا خالد هدا نقاش و ليس اهانة و تجريح يا خالد ثانيا انا كان عمري 15 سنة و انا منخرط في دار الشباب حتى صرت عاملا بها الى يومنا هذا اي اني اعرف كل صغيرة او كبيرة في ما يخص امور الادارة و السلم الاداري يا خالد ثانيا في ما يخص الادارة الجزائرية الادارة يا خالد ماهيش ادارة الادارة فالجزائر ماعندهاش مركز معين ادارة الشباب و الرياضة نعطيك مثال بيها قطاع الشباب و الرياضة يا خالد قطاع استراتيجي حساس جدا هو الركيزة الاساسية في توجيه الشباب الجزائري سياسيا و قد تستغربون لمذا سياسيا الحملات الانتخابية تقوم بها مجموعة معينة من دور الشباب و الجمعيات الثقافية و بعض اسلاك الدولة يعني ان القطاعات كامل يصبو في مجرى واحد هو السياسة انت باش يعطوك بوسط تاع الخدمة يا خالد يعطيه على حسب التوجه السياسي للمنطقة و الشخص مثلا باباك افلان و المجلس الشعبي الولائي ارندي ماتديش البوسط تاع الخدمة و درك بديت تفهم شوية الادارة يا خالد اما ندى اعتقد انكي اصبتي عندما قلتي العمل قسمة و نصيب و هدا هو النقاش البناء خلاصة القول التوكل على الله و النية و العمل للامام اخوة الايمان و الباب مفتوج للنقاش و لا داعي للنقاش الجارح مرة اخرى يا خالد راك معذور و السلام